Chapter 9

Srimad Bhagavad Gita
Chapter 9
राजविद्याराजगुह्ययोग – Raja Vidya Guhya Yoga
The Yoga of Royal Knowledge and Kingly Secret

9:01
श्रीभगवानुवाच |
इदं तु ते गुह्यतमं प्रवक्ष्याम्यनसूयवे |
ज्ञानं विज्ञानसहितं यज्ज्ञात्वा मोक्ष्यसेऽशुभात् || ९ १ ||
Sri Bhagavaan uvaacha:
idam tu te guhya-tamam
pravakshyaa-myana-sooyave
jnaanam vijnaana-sahitam
yajjnaatwaa mokshyase-’shubhaat (SBG 9:01)

Bhagavan Shri Krishna said:
Since you are not envious of Me, I shall now teach you the most confidential wisdom, knowing which you will be relieved from miseries of material existence.
——————————————————————————————-
9:02
राजविद्या राजगुह्यं पवित्रमिदमुत्तमम् |
प्रत्यक्षावगमं धर्म्यं सुसुखं कर्तुमव्ययम् || ९ २ ||
raaja-vidyaa raaja-guhyam
pavitra mida-muttamam
pratyakshaa vagamam dharmyam
susukham kartu mavyayam (SBG 9:02)

This is the Royal science, the kingly secret, the supremely holy, can be experienced directly. It is easy to practise and it is everlasting.
——————————————————————————————-
9:03
अश्रद्दधानाः पुरुषा धर्मस्यास्य परंतप |
अप्राप्य मां निवर्तन्ते मृत्युसंसारवर्त्मनि || ९ ३ ||
ashraddha dhaanaaha purushaa
dharma syaasya parantapa
apraapya maam nivartante
mrityu samsaara vartmani (SBG 9:03)
Those who have no faith in this Dharma of the knowledge of the Self, O Parantapa (Arjuna), return to the path of this world of death without attaining Me!
————————————————————————————–

9:04
मया ततमिदं सर्वं जगदव्यक्तमूर्तिना |
मत्स्थानि सर्वभूतानि न चाहं तेष्ववस्थितः || ९ ४ ||
mayaa tata-midam sarvam
jagadavyak-tamoortinaa
matsthaani sarva-bhootaani
na chaaham teshva-vasthitaha (SBG 9:04)

All this world is pervaded by Me in My unmanifest aspect; all beings exist in Me, but I do not dwell in them.
——————————————————————————————-
9:05
न च मत्स्थानि भूतानि पश्य मे योगमैश्वरम् |
भूतभृन्न च भूतस्थो ममात्मा भूतभावनः || ९ ५ ||
na cha matsthaani bhootaani
pashya me yoga maishwaram
bhoota bhrinna cha bhootastho
mamaatmaa bhoota bhaavanaha (SBG 9:05)

Nor do beings rest in Me. Behold My divine Yoga (inconceivable Mystic Power). I support all beings, I am omnipresent and the very source of creation.
——————————————————————————————-
9:06
यथाकाशस्थितो नित्यं वायुः सर्वत्रगो महान् |
तथा सर्वाणि भूतानि मत्स्थानीत्युपधारय || ९ ६ ||
yathaa-kaasha-sthito nityam
vaayuhu sarvatrago mahaan
tathaa sarvaani bhootaani
matsthaa-neet-yupadhaa-raya (SBG 9:06)

As the mighty wind, moving everywhere, rests always in the ether, you should know that all beings rest in Me.
——————————————————————————————-
9:07
सर्वभूतानि कौन्तेय प्रकृतिं यान्ति मामिकाम् |
कल्पक्षये पुनस्तानि कल्पादौ विसृजाम्यहम् || ९ ७ ||
sarva-bhootaani kaunteya
prakritim yaanti maami-kaam
kalpakshaye punastaani
kalpaadau visru-jaamyaham (SBG 9:07)

All beings, O Arjuna, enter into My Nature at the end of a Kalpa; I send them forth again at the beginning of the next Kalpa.
——————————————————————————————-
9:08
प्रकृतिं स्वामवष्टभ्य विसृजामि पुनः पुनः |
भूतग्राममिमं कृत्स्नमवशं प्रकृतेर्वशात् || ९ ८ ||
prakritim svaama vashtabhya
visrijaami punah punaha
bhoota graama mimam kritsnama-
vasham prakriter-vashaat (SBG 9:08)

Animating My Nature, I again and again send forth all this multitude of beings, helpless by the force of Nature.
——————————————————————————————-
9:09
न च मां तानि कर्माणि निबध्नन्ति धनंजय |
उदासीनवदासीनमसक्तं तेषु कर्मसु || ९ ९ ||
na cha maam taani karmaani
nibadh-nanti dhananjaya
udaa-seena-vadaa-seenam-
asaktam teshu-karmasu (SBG 9:09)

These acts do not bind Me, O Arjuna, as I am neutral and unattached.
——————————————————————————————-
9:10
मयाध्यक्षेण प्रकृतिः सूयते सचराचरम् |
हेतुनानेन कौन्तेय जगद्विपरिवर्तते || ९ १० ||
mayaa’dhyakshena prakrutihi
sooyate sacharaa-charam
hetunaa’nena kaunteya
jagad-vipari-vartate (SBG 9:10)

O Arjuna, it is under My direction and control that Nature brings out living and non-living forms. Thus does the entire cosmic manifestation undergo changes of creation, preservation and dissolution.
——————————————————————————————-
9:11
अवजानन्ति मां मूढा मानुषीं तनुमाश्रितम् |
परं भावमजानन्तो मम भूतमहेश्वरम् || ९ ११ ||
avajaananti maam mood-haa
maanu-sheem tanu-maashritam
param bhaava majaananto
mama bhoota maheshwaram (SBG 9:11)

Foolish people, due to their lack of understanding of My higher nature as the Supreme Bhagavan of everything that exists, disregard Me when I descend in the human form.
——————————————————————————————-
9:12
मोघाशा मोघकर्माणो मोघज्ञाना विचेतसः |
राक्षसीमासुरीं चैव प्रकृतिं मोहिनीं श्रिताः || ९ १२ ||
moghaa-shaa mogha karmaano
mogha jnaanaa vichetasaha
raaksha seemaa-sureem chaiva
prakritim mohineem shritaaha (SBG 9:12)

Befuddled and perverted is their understanding and they are attracted by demoniacal and non divine views. They are cruel, vain, senseless their culture as well as knowledge are destroyed.
——————————————————————————————-
9:13
महात्मानस्तु मां पार्थ दैवीं प्रकृतिमाश्रिताः |
भजन्त्यनन्यमनसो ज्ञात्वा भूतादिमव्ययम् || ९ १३ ||
mahaat-maanastu maam paartha
daiveem prakriti-maashritaaha
bhajantya-nanya-manaso
jnaatvaa bhootaa-dima-vyayam (SBG 9:13)

But great souls, who are endowed with divine qualities, take shelter in Me and know Me as the Immutable source of everything. They adore Me with single minded devotion.
——————————————————————————————-
9:14
सततं कीर्तयन्तो मां यतन्तश्च दृढव्रताः |
नमस्यन्तश्च मां भक्त्या नित्ययुक्ता उपासते || ९ १४ ||
satatam keertayanto maam
yatan-tash-cha drid-havra-taaha
namasyan-tash-cha maam bhaktyaa
nitya-yuktaa upaasate (SBG 9:14)

Steadfast in their vows, these ever integrated devotees worship Me with devotion and humbly bow down before Me.
——————————————————————————————-
9:15
ज्ञानयज्ञेन चाप्यन्ये यजन्तो मामुपासते |
एकत्वेन पृथक्त्वेन बहुधा विश्वतोमुखम् || ९ १५ ||
jnaana-yajnena chaap-yanye
yajanto maamu-paasate
ekatwena prithaktwena
bahudhaa vishwa-tomukham (SBG 9:15)

Others who work on cultivation of knowledge, worship Me the All-Inclusive Supreme Brahman in My universal form Some see Me as the Universal Oneness not different from them while others worship Me in My infinite manifestations.
——————————————————————————————-
9:16
अहं क्रतुरहं यज्ञः स्वधाहमहमौषधम् |
मन्त्रोऽहमहमेवाज्यमहमग्निरहं हुतम् || ९ १६ ||
aham kraturaham yajnaha
swadhaa’hama-hamau-shadham
mantro’hama hame-vaajya
maha-magni-raham hutam (SBG 9:16)

I am Kratu the ritual, I am Yagnyaa the sacrifice, I am the benefaction, I am the healing herb, I am the Mantra, I am certainly the clarified butter, I am the fire and the offering.
——————————————————————————————-
9:17
पिताहमस्य जगतो माता धाता पितामहः |
वेद्यं पवित्रमोंकार ऋक्साम यजुरेव च || ९ १७ ||
pitaahamasya jagato
maataa dhaataa pitaa-mahaha
vedyam pavitra-monkaara
riksaama yajureva cha (SBG 9:17)

I am the father of this world, the mother, the dispenser of the fruits of actions, and the Grandsire; the One thing to be known, the Purifier, the Sacred Om, and also the Rig, Yajur and the Sama Vedas.
——————————————————————————————-
9:18
गतिर्भर्ता प्रभुः साक्षी निवासः शरणं सुहृत् |
प्रभवः प्रलयः स्थानं निधानं बीजमव्ययम् || ९ १८ ||
gatir-bhartaa prabhuhu saakshee
nivaa-saha sharanam suhrit
prabhavah pralayaha sthaanam
nidhaanam beeja-mavyayam (SBG 9:18)

I am the Supreme Goal, the Sustainer, the Bhagavan, the Witness, the Abode, the Shelter, the Friend, the Origin, the Dissolution, the Foundation, the Treasure-house and the Imperishable seed.
——————————————————————————————

9:19
तपाम्यहमहं वर्षं निगृण्हाम्युत्सृजामि च |
अमृतं चैव मृत्युश्च सदसच्चाहमर्जुन || ९ १९ ||
tapaam-yaha-maham varsham
nigrunhaam-yut-srujaami cha
amritam chaiva mrityush-cha
sada-sacchaa-hamarjuna (SBG 9:19)

I give heat; I withhold and send forth the rain; I am Immortality and also Death personified, the Spirit as well Matter or existence and non-existence, O Arjuna.
——————————————————————————————-
9:20
त्रैविद्या मां सोमपाः पूतपापा
यज्ञैरिष्ट्वा स्वर्गतिं प्रार्थयन्ते |
ते पुण्यमासाद्य सुरेन्द्रलोकं
अश्नन्ति दिव्यान्दिवि देवभोगान् || ९ २० ||
traividyaa maam soma-paaha poota-paapaa
yajnairishtvaa svargatim praartha-yante
te punya-maasaadya surendralokam-
ash-nanti divyaan divi deva-bhogaan (SBG 9:20)

Those who know the three Vedas; the drinkers of Soma juice, which is the remnant of Yagnyas; purified of all sins, worshiping Me by sacrifices; pray for the way to the heavenly abode; they reach the holy world of Indra, the king of the deities and enjoy divine pleasures.
——————————————————————————————-
9:21

ते तं भुक्त्वा स्वर्गलोकं विशालं
क्षीणे पुण्ये मर्त्यलोकं विशन्ति |
एवं त्रयीधर्ममनुप्रपन्ना
गतागतं कामकामा लभन्ते || ९ २१ ||
te tam bhuktvaa svargalokam vishaalam
ksheene punye martyalokam vishanti
evam trayee-dharma-manu-prapannaa
gataa-gatam kaama-kaamaa labhante

After having enjoyed the heavenly pleasures, after their merits are exhausted, they fall into the planet of the mortals again. Therefore those who abide by Vedic rituals with a desire of enjoying worldly pleasures, come and go by attaining birth and death.
——————————————————————————————-
9:22
अनन्याश्चिन्तयन्तो मां ये जनाः पर्युपासते |
तेषां नित्याभियुक्तानां योगक्षेमं वहाम्यहम् || ९ २२ ||
anan-yaash-chintayanto maam
ye janaaha paryu-paasate
teshaam nityaabhi-yuktaanaam
yoga-kshemam vahaam-yaham (SBG 9:22)

To those people who worship Me with a fixed mind and constantly meditate on Me, I ensure that they get what they lack and preserve what they have.
——————————————————————————————-

9:23
येऽप्यन्यदेवताभक्ता यजन्ते श्रद्धयान्विताः |
तेऽपि मामेव कौन्तेय यजन्त्यविधिपूर्वकम् || ९ २३ ||
ye’pyanya-devataa-bhaktaa
yajante shraddha-yaa’nvitaaha
te’pi maameva kaunteya
yajantya-vidhi-poorvakam (SBG 9:23)

Those who worship other deities with faith are also worshiping Me, but they are doing it without true understanding.
——————————————————————————————-
9:24
अहं हि सर्वयज्ञानां भोक्ता च प्रभुरेव च |
न तु मामभिजानन्ति तत्त्वेनातश्च्यवन्ति ते || ९ २४ ||
aham hi sarva-yajnaanaam
bhoktaa cha prabhureva cha
na tu maama-bhijaa-nanti
tattve-naatash-chyavanti te (SBG 9:24)

I am the enjoyer and the Bhagavan of all Sacrifices, but those who do not know Me in reality, fall into the world of mortals and revolve in the cycle of birth and death.
——————————————————————————————-

9:25
यान्ति देवव्रता देवान्पितॄन्यान्ति पितृव्रताः |
भूतानि यान्ति भूतेज्या यान्ति मद्याजिनोऽपि माम् || ९ २५ ||
yaanti deva-vrataa devaan
pitrn yaanti pitru-vrataaha
bhutaani yaanti bhutejyaa
yaanti madyaa-jino’pi maam (SBG 9:25)

Those who worship Deities, go to them; those who worship ancestors, go to their ancestors; people who worship ghosts and spirits, go to them; and those who worship Me, will surely come unto Me.
——————————————————————————————-
9:26
पत्रं पुष्पं फलं तोयं यो मे भक्त्या प्रयच्छति |
तदहं भक्त्युपहृतमश्नामि प्रयतात्मनः || ९ २६ ||
patram pushpam phalam toyam
yo me bhaktyaa prayacchati
tadaham bhaktyu-pahritam-
ashnaami praya-taat-manaha (SBG 9:26)

I accept whatever is offered to Me with devotion and a pure heart. It could be a leaf, a flower, a fruit or a little water.
——————————————————————————————-
9:27
यत्करोषि यदश्नासि यज्जुहोषि ददासि यत् |
यत्तपस्यसि कौन्तेय तत्कुरुष्व मदर्पणम् || ९ २७ ||
yat-karoshi yadash-naasi
yajju-hoshi dadaasi yat
yatta-pasyasi kaunteya
tat-kurushva madar-panam (SBG 9:27)

Whatever you do, whatever you eat, whatever you offer in sacrifice, whatever you give, whatever you practise as austerity, O Arjuna, do it for Me and as an offering unto Me.
——————————————————————————————-
9:28
शुभाशुभफलैरेवं मोक्ष्यसे कर्मबन्धनैः |
संन्यासयोगयुक्तात्मा विमुक्तो मामुपैष्यसि || ९ २८ ||
shubhaa-shubha-phalair-evam
mokshyase karma-bandhanaihi
sannyaasa-yoga-yuktaat-maa
vimukto maamu-paishyasi (SBG 9:28)

By doing so, you will be freed from the bonds of action that result in good and in bad. By being free and with your mind guided by the principle of the Yoga of renunciation, you will attain Me.
——————————————————————————————-
9:29
समोऽहं सर्वभूतेषु न मे द्वेष्योऽस्ति न प्रियः |
ये भजन्ति तु मां भक्त्या मयि ते तेषु चाप्यहम् || ९ २९ ||
samo’ham sarva bhooteshu
na me dveshyo’sti na priyaha
ye bhajanti tu maam bhaktyaa
mayi te teshu chaapyaham (SBG 9:29)

I am the same to all living beings. There is no one I am partial to. However, those who worship Me with love and devotion, are in Me and I too am in them.

——————————————————————————————-
9:30
अपि चेत्सुदुराचारो भजते मामनन्यभाक् |
साधुरेव स मन्तव्यः सम्यग्व्यवसितो हि सः || ९ ३० ||
api chet suduraa chaaro
bhajate maama nanyabhaak
saadhureva sa mantavyaha
samyag-vyavasito hi saha (SBG 9:30)

Even if the most sinful worships Me, with exclusive devotion, he should indeed be regarded as righteous, for he has taken the right resolution.
——————————————————————————————-
9:31
क्षिप्रं भवति धर्मात्मा शश्वच्छान्तिं निगच्छति |
कौन्तेय प्रतिजानीहि न मे भक्तः प्रणश्यति || ९ ३१ ||
kshipram bhavati dharmaatmaa
shashva-cchaantim nigacchati
kaunteya prati-jaaneehi
na me bhaktaha pranashyati (SBG 9:31)

Soon he becomes righteous and he attains eternal peace; O Arjuna, you should know for sure that one who is devoted to Me, is never destroyed.
——————————————————————————————-
9:32
मां हि पार्थ व्यपाश्रित्य येऽपि स्युः पापयोनयः |
स्त्रियो वैश्यास्तथा शूद्रास्तेऽपि यान्ति परां गतिम् || ९ ३२ ||
maam hi paartha vyapaa-shritya
ye’pi syuh paapayonayaha
striyo vaishyaa-stathaa shoodraa-
ste’pi yaanti paraam gatim (SBG 9:32)

Any one can come unto Me, O Paartha, whatever be their race, gender or social status. Even those shunned by the society can approach Me the Supreme Destination and attain the Highest Goal.
——————————————————————————————-
9:33
किं पुनर्ब्राह्मणाः पुण्या भक्ता राजर्षयस्तथा |
अनित्यमसुखं लोकमिमं प्राप्य भजस्व माम् || ९ ३३ ||
kim punar-braahmanaaha punyaa
bhaktaa raajar-shayasta-thaa
anitya-ma-sukham lokam-imam
praapya bhajasva maam (SBG 9:33)

The righteous, sages, devotees and saintly kings, attain me although they have attained temporary life in this transient world of miseries. They engage in absolute devotion unto Me.
——————————————————————————————-
9:34

मन्मना भव मद्भक्तो मद्याजी मां नमस्कुरु |
मामेवैष्यसि युक्त्वैवमात्मानं मत्परायणः || ९ ३४ ||
manmanaa bhava madbhakto
madyaajee maam namaskuru
maame-vaishyasi
yuktvaiva-maatmaanam mat-paraa-yanaha (SBG 9:34)

Fix your mind on Me; be devoted to Me; sacrifice unto Me; bow down to Me; having thus united your whole self with Me and taking Me as the Supreme Goal, you will certainly come unto Me.
——————————————————————————————-
ॐ तत्सदिति श्रीमद् भगवद्गीतासूपनिषत्सु
ब्रह्मविद्यायां योगशास्त्रे श्रीकृष्णार्जुनसंवादे
राजविद्याराजगुह्ययोगो नाम नवमोऽध्यायः || ९ ||
Hari Om Tat Sat
Iti Srimad Bhagavadgeetaasoopanishatsu Brahmavidyaayaam
Yogashaastre Sri Krishnaarjunasamvaade
Raajavidyaa-raajaguhyayogo Naama Navamo’dhyaayaha

Thus ends the ninth part of the Bhagavad Gita
“The Yoga of Royal Knowledge and Kingly Secret”
-The Science of the Eternal, the Scripture of Yoga,
the dialogue between Shri Krishna and Arjuna.


Previous Chapter

Next Chapter